https://cmuwanwellanirmana.blogspot.com

ගහේ ගෙඩි හැදෙන්නේ ඒ ගහට කන්න නොවේ ගඟේ ජලය එකතු වුණේ ගඟට බොන්න නොවේ මලේ සුවඳ ඒ මලටම විඳගන්නට නොවේ ඉරේ එළිය - ඉරට එළිය ඕනැ වෙලා නොවේ අන් කෙනෙකුට සෙත සලසන එකයි සොබා දම් නීතිය එයයි සොබා දම් නීතිය දිවිය හොඳයි අප සතුටින් සිටිනා විටදී ඒ දිවියම වඩා හොඳයි - අප හින්දා තවත් කෙනෙකු සතුටුවෙලා හිඳිනා විටදී රිදුම් දැනෙන්නේ තවමත් ජීවත්වෙන හින්දයි සතුටු වෙන්න ජීවිතයේ හැම පිටුවෙම පාට පාට හරිම ලස්සනයි.

එපා එපා එපා

June 19, 2017

1. ටෙලි නාට්‍යවල පෙම්වතුන් කෝච්චි පාරේ අත් බැඳගෙන ඇවිද යන හැටි කෙතරම් සුන්දර වුනත් - කොච්චි පාරේ හුදකලාව ඉඳගෙන සිටින තරුණයකුගේ හෝ තරුණියකගේ පින්තූරයක් කෙතරම් ලස්සන වුනත් - ඔබ නම් කිසි දිනක කෝච්චි පාරේ ඇවිදගෙන යන්න එපා. ඉඳගෙන ඉන්න එපා. එය ඔබේ ජීවිතයට අවදානමක්. 2. ගමේ හෝ රටේ හෝ වෙනත් තැනකදී හෝ සිදුවෙන වරදකට එරෙහිව, දූෂණයකට එරෙහිව, බලධාරීන්ට එරෙහිව, පාලකයන්ට එරෙහිව සටන් කිරීමේදී, උද්ඝෝෂණ කිරීමේදී, මාර්ග අවහිර කිරීමේදී තාර දා ලා හදපු - එහෙමත් නැත්නම් කාපට් කරලා හදපු - පාරවල් මැද ගිනිගොඩවල් ගහල දෙනෝ දාහක් පාවිච්චිකරන ඒ පාරවල් විනාශ කරන්න එපා. එය සමාජ විරෝධී ක්‍රියාවක්. දේශ ද්‍රෝහිකමක්. 3. මහා මාර්ගය මත, මහා මාර්ගයේ ඇති මං සලකුණු මත හෝ නාම පුවරු මත හෝ චිත්‍ර, බහුබූත රූප, ඡන්ද ලකුණු, මනාප අංක අඳින්න හෝ කඩදාසි අලවන්න හෝ එපා. එය සමාජ විරෝධීයි. 4. ඔබේ ම ඉඩමක හෝ ඔබේ ගමේ හෝ ගොවිපොලක හෝ බැම්මක් නැතිව අනාරක්ෂිතව ලිඳක් තිබේ නම් එය එසේ තිබීමට ඉඩ හරින්න එපා. මුදල් සම්මාදන් කරලා හරි, ...

ඔහුට ආදරය දෙන්න

June 08, 2017

හිරු එලිය වැටුණ තැන් පටන් ඔහු දුවනවා නොනවතින පා සතර රිදුම් දෙයි කකියවයි ලගින්නට බිමක් නැත නොහැක නොතෙමී ඉන්න හිසට වහලක් නොමැත අව් රශ්මි වලකන්න බඩ සාය දුරලන්න ඉඳුල් බත් ඇට තියා පාන් රොඩු වාටිවත් නෑ තවම හමුවුනේ කණ වැකී නැත කිසිත් මුදු මොළොක් වදන් වැකි උපන්දා සිට මෙතෙක් රැවුම් ගෙරවුම් මිසක මහන්සිය දුරලලා වැතිරිලා සැප ගන්න කොට්ට මෙට්ටා තියා පරණ රෙදි කෑල්ලක් ගෝනි කඩමාල්ලක් පවා තව හීනයක් නමින් බල්ලකු වුවත් බොහෝ මිනිසුන් වගේ නමට ගැලපෙන වැඩක් කිසිකලක නොකරමින් නිරතුරුව දුවන්නේ සොයා හොඳ ගුණවතෙක් පාරමී දම් පුරන සිල්වතෙක් පිංවතෙක් අනේ සිල්වතාණෙනි අනේ පිංවතාණෙනි මේත් එක සත්වයෙක් දෙපෝදා පංසලේ දැහැර මණ්ඩිය ගොතා "සියලු සත්වයන් හට" සුවය පතනා ඔබට හැකිද මෙය කරන්නට? මව්පියන් හැර දමා අයාලේ යන මොහුට ඔබෙ දෙපා ළඟ වැටී ලෙවකන්න ඉඩදෙන්න දැවී වියැලුණ බඩට පුංචි අහරක් දෙන්න බොකුටු හිසකේ අතර ඇඟිළි තුඩු රඳවන්න ආදරය මුසු වදන් සවන් යොමු කරවන්න එකම ...